Rottenmutter

Ds Mirjam Zingg isch fürs ganze Rudel zueständig und luegt, dass d' Chröpfler au wiiterhi a jederä Fasnacht derbi sind. Näbscht dä Planig vum Chrüpflerjahr, dä Leitig vo der Rottäversammligä und em grossä Iisatz a allnä möglichä Ort für üsi Clique, bringt sie diä ganz Familiä überall hii mit.

Rottenadjudant

Ds Sonja Brühlmann isch d'Verträtig vor Rottämuetter und hilft überall mit, wo sie chan. Egal ob bim Wagebaue, a dä Umzug oder bi dä restliche Anläss. Au sie bringt ihre blonde Wirbelwind, wo üs alli uf Trab haltet, jeweils mit.

Rottenprüglerin

Ds Patricia Schnellmann, üses Mami wämä das so sägä dörf, isch für alli da:-) Näbscht dem das sie fürs Finanzwese zueständig isch, leitet sie au üses Schminkteam.

Rottenbastler

Dank üserem Bauchef Martin Hefti, hämmer all Jahr en Wage :-) Sigs Material organisiere, Ideeä bringe oder Plän zeichne, uf ihn chame sich verlu. Au im Fasnachtsziitigteam hilft er ab und zue mit und reimt es Gschichtli für d' 20 Sekundä Chropfschlitzer News zämä.

Rottenkanzlerin

Ds Deborah Zimmermann isch üsi Kanzlerin, also üsi Protokoll-schriiberi. Sie wacht über üseri Beschlüss und haltet sie fescht. Au sie isch mit ihrne Kind immer überall mit därbi und alli helfed jeweils tatkräftig mit.